July 31, 2021, Saturday
२०७८ श्रावण १६, शनिबार
पूर्व मन्त्री शेर बहादुर तामाङ द्वारा १९ दिने कार्यकालका ४ उपलब्धि सार्वजनिक

पूर्व मन्त्री शेर बहादुर तामाङ द्वारा १९ दिने कार्यकालका ४ उपलब्धि सार्वजनिक

असार ०९, सल्यान । ओली सरकारका स्वास्थ्य मन्त्री शेरबहादुर तामाङले १९ दिनको कार्यकालका ४ उपलब्धि सार्वजनिक गरेका छन ।

बुधबार सामाजिक संजाल मार्फत उनले आफ्नो छिटो कार्यकालका प्रयास र प्रयन्तहरू सार्वजनिक गरेका हुन ।

उपलब्धिमा उनले कोरोना नियन्त्रणमा इमानदार प्रयत्न गरेको, खोप आउले सुनिश्चितता भएको, सबै नेपाली जनताको स्वास्थ्य उपचार निशुल्क गर्ने सम्बन्धी छलफल र प्रारम्भिक प्रक्रिया शुरूवात भएको, सम्पूर्ण सरकारी अस्पतालहरुलाई सुबिधासम्पन्न बनाई अस्पतालमा आउने सबै बिरामीलाई उपचारको सुनिस्चितता गर्ने प्रकृयाको आरम्भ भएको र गाँजाको औषधीय उपयोग र अनुसन्धानको लागि पहल शुरु भएको दाबी गरेका छन ।

यस्तो छ उनको स्टाटस :

१९ दिन !

१. कोरोना नियन्त्रणमा ईमान्दार प्रयत्न । खोप ल्याउने सम्बन्धी सबै प्रकृया भएको र केही दिनमा नै खोप आउने सुनिस्चित भएको । (यदी पछिल्लो राजनितिक घटनाक्रमले खोप आउन ढिलो हुने र नेपाली नगरिकको जीवन माथी नै तलमाथी भएमा त्यसको नैतिक जिम्मेवारी मेरो हुनेछ । राजनितिको खेलमा नेपाली नगरिकको जीवनमाथी खेलवाड गर्ने छुट कसैलाई छैन।)

२. सबै नेपाली जनताको स्वास्थ्य उपचार निशुल्क गर्ने सम्बन्धी छलफल र प्रारम्भिक प्रक्रिया शुरूवात ।

३. सम्पूर्ण सरकारी अस्पतालहरुलाई सुबिधासम्पन्न बनाई अस्पतालमा आउने सबै बिरामीलाई उपचारको सुनिस्चितता गर्ने प्रकृयाको आरम्भ भएको ।

४. गाँजाको औषधीय उपयोग र अनुसन्धानको लागि पहल शुरु भएको ।

शीर्ष समाचार

धेरै पढिएको