June 15, 2021, Tuesday
२०७८ असार २, बुधबार
झलनाथ – माधवलाई आफ्नै समुहका ४ पोलिटब्युरो सदस्यले पठाए चेतावनी पत्र ( हेर्नुहोस,पूर्ण पाठ )

झलनाथ – माधवलाई आफ्नै समुहका ४ पोलिटब्युरो सदस्यले पठाए चेतावनी पत्र ( हेर्नुहोस,पूर्ण पाठ )

जेठ २१, काठमाडौं । माधव नेपाल पक्षधर नेकपा एमालेका चारजना प्रभावशाली नेताले २०७५ जेठ २ मा फर्किने भन्ने एजेण्डा राजनीतिक र वैचारिक नभएको भन्दै यत्तिकै भरमा केपी ओलीसँग मिल्दा घरको न घाटको भइने चेतावनी दिएका छन् ।

एमाले केन्द्रीय सदस्यहरु प्रकाश ज्वाला, जगन्नाथ खतिवडा, विजय पौडेल र राजेन्द्रकुमार राईले झलनाथ खनाल र माधव नेपाललाई लिखित सुझाव दिदै आजको पहिलो शर्त केपी ओली सरकारको वहिर्गमन र राजनीतिक दलहरुको सहयकार्य नै रहेको प्रष्ट पारेका छन् ।

चार नेताले कार्यदलको नाममा भएका वार्ता र छलफलहरु अपारदर्शी र माधव नेपाल समूहमै फुट ल्याउने षडयन्त्र भन्दै यस्ता वार्ताका नअल्मलिन समेत सुझाव दिएका छन् ।

उनीहरुले पेश गरेको ९ बुँदे लिखित सुझावमा भनिएको छ- रातारात कुनै नाटकीय सम्झौता गरेर सर्वोच्च अदालतबाट मुद्दा फिर्ता लिन लाउने अभिप्रायले पटक पटक मध्यरातसम्म पनि वार्ताको चाप बढाइएको भन्ने पनि सहज अनुमानकै विषय हो । तसर्थ मुद्दाको किनारा नलागेसम्म वार्ता वा सम्झौताको कुनै पहल नगर्नु नै उचित हुनेछ भनी सचेत गराउन चाहान्छौं ।

उनीहरुले यदि एमाले मिले पनि आगामी दिनमा हुने सबै तहको निर्वाचनमा टिकट वितरणको प्रक्रिया नै धेरै पक्षपातपूर्ण, विभेदकारी, पुर्वाग्रही र अन्तरघातमय हुने भन्दै केपी ओलीको आँखामा कम्फरटेबल हुने पात्र मात्र रोजाइमा पर्ने बताएका छन् ।

माधव नेपाल पक्षधर यी चार नेताले यदि एमाले मिले पनि आगामी दशौं महाधिवेशन निष्पक्ष नहुने भन्दै ओलीको शब्दजाल र चालमा पर्न नहुने सुझाव दिएका छन् ।

हेर्नुहोस,पूर्ण पाठ

 

शीर्ष समाचार

धेरै पढिएको