September 22, 2021, Wednesday
२०७८ आश्विन ७, बिहीबार
राष्ट्रिय सभा उपनिर्वाचन : बादललाई भोट नहाल्ने भन्दै माधबको सचिवालयले दियो यस्तो वक्तव्य

राष्ट्रिय सभा उपनिर्वाचन : बादललाई भोट नहाल्ने भन्दै माधबको सचिवालयले दियो यस्तो वक्तव्य

जेठ ०४, काठमाडौं । नेकपा एमालेका नेता माधवकुमार नेपालले राष्ट्रियसभाको निर्वाचनमा सूर्य चिन्हधारी एमाले उम्मेदवार रामबहादुर थापा बादललाई सघाउने वचन नदिएको नेपालको सचिवालयले प्रष्ट पारेको छ ।


माधव नेपालका स्वकीय सचिव मोहन गौतमले मंगलबार साँझ वक्तव्य जारी गर्दै मतदातालाई स्वविवेक प्रयोग गर्न दिने कुरामा सहमति भए पनि बादललाई समर्थन नजनाएको बताएका छन् ।

गौतमका अनुसार नेता नेपालले अन्य दल समेतलाई सहमत गराएर आफूले डा.खिमलाल देवकोटालाई आफ्नै पहलमा उम्मेदवार बनाएकाले अहिले अन्यथा गर्न नसक्ने स्पष्ट पारेका छन् ।

त्यस्तै हिजो मात्रै नेकपा (एमाले)ले बागमती प्रदेशको राष्ट्रियसभा सदस्यको उपनिर्वाचनमा रामबहादुर थापा ‘बादल’लाई मत दिन ह्वीप जारी गरेको छ।

बादललाई जिताउन महासचिव ईश्वर पोखरेलले प्रदेसभा सदस्य र बागमती प्रदेश अन्तर्गतका स्थानीय तहका प्रमुख र उप्रमुखका नाममा एउटै व्यहोराको पत्र पठाएका हुन् ।

एमाले केन्द्रीय कार्यलय सचिव शेरबहादुर तामाङले सम्बन्धित सबैलाई आजै पत्र पठाइएको जानकारी दिए। पत्रमा बादल एमाले उम्मेदवार रहेको र उनका पक्षमा मतदान गर्न निर्देशन दिइएको छ।

‘बागमती प्रदेशको राष्ट्रियसभा सदस्य उपनिर्वाचनमा पार्टीको तर्फबाट आधिकारिक उम्मेदवार क. रामबहादुर थापामगर भएको जानकारी गराईन्छ,’ पत्रमा भनिएको छ, ‘ पार्टीको उम्मेदवारको पक्षमा निर्वाचन कार्यक्रम अन्तर्गत मिति २०७८ जेष्ठ ६ गते ०९.०० बजे देखि १५.०० बजेसम्म हेटौंडामा हुने मतदानमा अनिवार्य उपस्थित भई पार्टीका उम्मेदवारको चुनाव चिन्ह सूर्यमा मतदान गर्नुहुन पार्टी निर्णयानुसार निर्देशन गर्दछु।’

बागमती प्रदेशसभा र स्थानीय तहमा एमालेको एकल बहुमत छ । पार्टीको ह्विप अनुसार मतदान भएपछि बादलले जित्ने लगभग निश्चित भएको छ।

बागमती प्रदेशका लागि राष्ट्रियसभाको उपचुनाव ६ जेठमा हुँदै छ। उपचुनावमा विपक्षी नेपाली कांग्रेस, माओवादी केन्द्र लगायतले खिमलाल देवकोटालाई अघि सारेका छन्। तर माधब समूह पनि एमालेमै सँगै बार्तमा बसेपछी उक्त समुहका खिमलाल देवकोटाले हार्ने संभावना बढी भएको अनुमान गरिएको छ ।


त्यस्तै हिजो नै राष्ट्रिय प्रजातन्त्र पार्टीले राष्ट्रिय सभाको बागमती प्रदेशबाट निर्वाचित हुने रिक्त सदस्य पदको उपनिर्वाचनमा नेकपा (एमाले) का उम्मेदवार रामबहादुर थापा बादललाई मतदान गर्ने निर्णय गरेकाे छ ।

राप्रपाकाे साेमबार बसेकाे बैठकले बादललाई मतदान गरी सहयोग गर्न एमालेबाट अनुरोधसहितको औपचारिक पत्र प्राप्त भएकाले बादलकाे पक्षमा मतदान गर्ने निर्णय गरेको हाे ।

राप्रपाले बादलकाे पक्षमा मतदान गर्न राष्ट्रिय प्रजातन्त्र पार्टीका प्रदेशसभाका सदस्यहरु, गाउँपालिकाका अध्यक्ष तथा उपाध्यक्षलाई जानकारी गराउने निर्णयसमेत गरेकाे छ ।

शीर्ष समाचार

धेरै पढिएको