September 18, 2021, Saturday
२०७८ आश्विन २, शनिबार
जसपामा प्रष्ट दुइधार, बन्ला त् देउवा नेतृत्वमा नयाँ सरकार ?

जसपामा प्रष्ट दुइधार, बन्ला त् देउवा नेतृत्वमा नयाँ सरकार ?

वैशाख २८, काठमाडौं । जनता समाजवादी पार्टी नेपालमा प्रष्ट २ धार देखिएका छन् । अध्यक्ष महन्थ ठाकुरले मध्यरातमा वक्तव्य निकालेर नयाँ सरकार गठन आफ्नाे पार्टीकाे प्राथमिकता नरहेको बताएका छन् भने नेपाली कांग्रेस सभापति शेरबहादुर देउवा, माओवादी केन्द्रका अध्यक्ष पुष्पकमल दाहाल प्रचण्ड संग मिलेर जसपा अध्यक्ष उपेन्द्र यादवले संयुक्त वक्तव्य जारी गर्दै संविधानको धारा ७६(२) अनुसार प्रधानमन्त्री नियुक्त गर्ने प्रक्रिया सुरु गर्न राष्ट्रपतिलाई आग्रह गरेका छन् ।

 

जसपामा उपेन्द्र नया सरकार बनाउन लागिपरेका छन् भने ठाकुर कुनै सरकार लाई समर्थन नगर्ने बताएका छन् । संसदमा पनि ठाकुर पक्ष तटस्थ बसेको थियो भने उपेन्द्र पक्षले प्रधानमन्त्री केपी ओलीको विपक्षमा मतदान गरेको थियो ।

जसपामा ठाकुर र उपेन्द्रको पक्षमा १६-१६ सांसद छन् । नयाँ सरकार गठनको पक्षमा कांग्रेसका ६१, माओवादी केन्द्रका ४९ सांसद छन् भने जसपाको डा. बाबुराम भट्टराई-उपेन्द्र यादव पक्षका १६ सांसद देखिएका छन् । २७१ सदस्यीय प्रतिनिधिसभामा बहुमतका लागि १३६ सांसद चाहिन्छ । तर ठाकुर पक्ष सहभागी नभएमा नया सरकार बन्दैन ।

ठाकुरको वक्तव्यले हंगामा :

जनता समाजवादी पार्टी नेपालका अध्यक्ष महन्थ ठाकुरले मध्यरातमा वक्तव्य निकालेका छन् । उनले निकालेको वक्तव्यले राष्ट्रिय राजनितामा पुनः तरंग ल्याइदिएको छ । वक्तव्यमा उनले नयाँ सरकार गठन आफ्नाे पार्टीकाे प्राथमिकता नरहेको बताएका छन् ।

साेमबार राती विज्ञप्ति जारी गर्दै ठाकुरले जसपा नेपाल सत्ता प्राप्तिभन्दा एजेण्डा सम्बाेधनकाे विषयमा केन्द्रीत रहेको बताएका हुन् । तर उनैका पार्टीका अर्का अध्यक्ष उपेन्द्र यादवले नया सरकार गठनका लागि सोमबार नै आह्वान गरिसकेका छन् । संसदमा प्रधानमन्त्रीको विस्वासको मतमा विपक्षमा मतदान गरेका उनको समुहले कांग्रेस माओवादी गथाबंधना संग मिलेर केपी ओलीको विपक्षमा वैकल्पिक सरकार बनाउन आह्वान गरेन राष्ट्रपति लाई संयुक्त वक्तव्य मार्फत अपिल गरेका थिए ।

यादव नया सरकार गठनको पक्षमा छन् भने ठाकुर कुनै सरकारमा नजाने पक्षमा छन् । संसदमा पनि ठाकुरको समूह तटस्थ बसेको थियो । यसरी एउटै पार्टीका दुइ अध्यक्ष दुइ तिर लागेपछि जसपा सग्लै रहन्छ कि रहन्न भन्ने प्रश्न उठेको छ । माधब संसदमा पनि जसपाले ह्विप लगाउन सकेको थिएन । समुहले राजीनाम नदिएको अवस्थामा कांग्रेस माओवादी गठबन्धनलाई बहुमत पुर्याउन ठाकुर पक्षको पनि समर्थन चाहिन्छ ।

सोमबार मात्र संसदले विश्वासको मत लिने प्रधानमन्त्रीको प्रस्ताव अस्वीकृत गरेको थियो । यससँगै प्रधानमन्त्री ओली स्वतः पदमुक्त भएका थिए ।

लगतै नेपाली कांग्रेस सभापति शेरबहादुर देउवा, माओवादी केन्द्रका अध्यक्ष पुष्पकमल दाहाल प्रचण्ड र जसपा अध्यक्ष उपेन्द्र यादवले संयुक्त वक्तव्य जारी गर्दै संविधानको धारा ७६(२) अनुसार प्रधानमन्त्री नियुक्त गर्ने प्रक्रिया सुरु गर्न राष्ट्रपतिलाई आग्रह गरेका थिए । सरकार बनाउन बहुमत पुगने उनीहरुको दाबी छ । नयाँ सरकार गठनको पक्षमा कांग्रेसका ६१, माओवादी केन्द्रका ४९ सांसद छन् भने जसपाको डा. बाबुराम भट्टराई-उपेन्द्र यादव पक्षका १६ सांसद देखिएका छन् । २७१ सदस्यीय प्रतिनिधिसभामा बहुमतका लागि १३६ सांसद चाहिन्छ ।

ठाकुरले साथ नदिएमा देउवा नेतृत्वमा नयाँ मिलिजुली सरकार नबन्ने प्रष्ट छ ।

प्रधामन्त्रीलाई धन्यबाद : ठाकुर

सोमबार संसदको बिशेष अधिबेशनमा जनता समाजवादी पार्टी (जसपा) नेपालका अध्यक्ष महन्थ ठाकुरले प्रधानमन्त्री केपी शर्मा ओलीले आफ्ना कुरा सुनेर माग पूरा गर्न अग्रसरता लिएकोमा धन्यवाद दिएका छन् । प्रतिनिधिसभा बैठकमा बोल्दै ठाकुरले राजनीतिक आन्दोलनका दौरान मुद्दा चलाइएका केहीको मुद्दा फिर्ता लिइएपनि सबैको मुद्दा फिर्ता हुनुपर्ने माग गरे ।

आफूहरु प्रधानमन्त्रीले विश्वासको मत लिने प्रस्तावको पक्ष वा विपक्ष दुवैमा नभएको उनले प्रष्ट्याए । ठाकुरले संविधान र लोकतन्त्र आएपनि आफ्ना नेता कार्यकर्ता आजपनि जेलभित्र भएकोले प्रस्तावको पक्ष/विपक्ष उभिने स्थिति नभएको बताए । ‘हाम्रो सांसद रेशम चौधरीलाई हामी यो बैठकमा हेर्न चाहान्थ्यौं तर उहाँ जेलमा हुनुहुन्छ । हाम्रा धेरै साथीहरु तारेखमा हुनुहुन्छ किनकी यही संविधानको कारणले’, ठाकुरले भने ।

उनले संविधानले प्रधानमन्त्रीलाई कमजोर बनाएको भन्दै संविधानमा व्यापक सुधार गर्नुपर्ने बताए । ‘यो संविधानमा गम्भीर त्रुटीहरु छन् । हामी संविधान संशोधनको माग फेरि राख्छौं’, ठाकुरले भने । ‘अहिलेपनि हामी विभेद र भेदभावको शिकार भइरहेका छौं । अहिलेपनि हामीले विविधतालाई मानेका छैनौं । यो लोकतन्त्र हो कि विभेद हो ?’, ठाकुरले प्रश्न गरे ।

शीर्ष समाचार

धेरै पढिएको