June 15, 2021, Tuesday
२०७८ असार २, बुधबार
प्रधानमन्त्री ओली विरुद्ध नेता भिम रावलको पुनः अर्को कडा टिप्पणी

प्रधानमन्त्री ओली विरुद्ध नेता भिम रावलको पुनः अर्को कडा टिप्पणी

वैशाख २३, काठमाडौं । नेकपा एमालेका नेता तथा पूर्वमन्त्री भीम रावलले प्रधानमन्त्री ओली विरुद्ध पुनः अर्को कडा टिप्पणी गरेका छन् ।

आफ्नै सांसदलाई कारवाही गरेर विपक्षी दलसँग सत्ता सहकार्यको परामर्श गरेर प्रधानमन्त्री केपी शर्मा ओलीले घृणित राजनीति गरेको उनले आरोप लगाएका छन् ।

बुधवार कांग्रेससँग एमाले शीर्ष नेतृत्वको छलफलबारे टिप्पणी गर्दै रावलले यस्तै घृणित राजनीतिले देश संकटग्रस्त भएको बताएका छन् ।

रावलले भनेका छन्, ‘प्रधानमन्त्री केपी ओलीले दलमा विधान मिच्दै निरंकुश रुपमा नेता र सांसदहरुलाई स्पष्टीकरण सोध्नु, कारवाही गर्नु र कुनै छलफल परामर्श नगर्नु तर विपक्षी दलसँग समर्थन गरिदिन र मिलेर सरकार चलाउन अनुनयविनय गर्नु अनैतिक र गैरजिम्मेवार चरित्रको पराकाष्ठा हो ।’

रावल सहित एमालेका चार नेतालाई पार्टीले ६ महिनाका लागि निलम्बन गरेको छ भने अन्य सांसदलाई स्पष्टीकरण सोधिएको छ । प्रधानमन्त्री ओलीले वैशाख २७ गते संसदमा विश्वासको मत लिने तयारी भइरहँदा बुधबार देउवानिवास पुगेर छलफल गरेका थिए ।

शीर्ष समाचार

धेरै पढिएको