May 16, 2021, Sunday
२०७८ जेष्ठ २, आईतवार
१४ सय मत गणना गर्दा अधिकांश पदमा संयुक्त प्यानलको अग्रता, महासचिवमा पनि मतान्तर घट्दै

१४ सय मत गणना गर्दा अधिकांश पदमा संयुक्त प्यानलको अग्रता, महासचिवमा पनि मतान्तर घट्दै

चैत ०१, सल्यान । सल्यान उद्याेग वाणिज्य संघकाे नयाँ कार्य समिति चयनको लागी हिजो भएको निर्वाचनमा आइतबार ५:३० बजे सार्वजनिक भएको मत परिणाम अनुसार महासंघको अध्यक्ष लगाएत अधिकांश पदमा संयुक्त प्यानलले अग्रता कायम गरेको छ । कुमार बुढाथोकी नेतृत्वको संयुक्त प्यानलले महासचिव बहेक अन्य पदमा अग्रता कायम गरेको छ ।

 


१ हजार ४ सय मतगणना गर्दा अध्यक्ष पदमा संयुक्त प्यानलका बुढाथोकीले ७ सय २६ मत प्राप्त गरेका छन भने उनका प्रतिद्वन्द्वी प्रगतिशील प्यानलका राजेन्द्र कुमार थापाले ६ सय ४३ मत प्राप्त गरेका छन । त्यस्तै महासचिवमा संयुक्त प्यानलका मोहन सारुले अग्रता लिएका छन । मोहन सारुले ६ सय ८३ मत प्राप्त गर्दै अग्रता कायम गरेका हुन । उनका प्रतिद्वन्दी संयुक्त प्यानलका रुपक बुढाले ६ सय ६२ मत सहित प्रतिस्पर्धा गरिरहेका छन ।

यस अघि महासंघको उद्योग उपाध्यक्ष पदमा प्रगतिशील प्यानलका शंकर यरीले अग्रता कायम गरेपनि अहिले उनलाई संयुक्त प्यानलका प्रेम कुमार पुनले ६ सय ६७ मत प्राप्त गर्दै पछि पारेका छन । शंकर यरीले ६ सय ५२ मत सहित प्रतिस्पर्धा गरिरहेका छन ।

महासचिव पदमा यस अघि संयुक्त प्यानलका रुपक बुढाको मतान्तर धेरै भएपनि अहिले २१ मतको मात्रै अन्तर रहेको छ । संयुक्त प्यानललाई कांग्रेस, एमाले (केपि समूह) र राप्रपाको साथ रहेको छ भने प्रगतिशील प्यानललाई माओवादी केन्द्र र माधब समुहको साथ रहेको छ । संघको हिजो भएको निर्वाचनमा २ हजार ३ मत खसेकाे थियाे । हेर्नुहोस, मत परिणाम :

लेखक, नयाँ दृष्टि डिजिटल पत्रिकाको सम्पादक हुनुहुन्छ।

शीर्ष समाचार

धेरै पढिएको