September 20, 2021, Monday
२०७८ आश्विन ४, सोमबार
सल्यानमा झगडा गर्दा देब्रे कान भतिजले खाइदिए

सल्यानमा झगडा गर्दा देब्रे कान भतिजले खाइदिए

मेघा रेउले / वैशाख ८, सल्यान । सल्यानमा झगडा हुदा एक जनाले कान नै टोकेर खाइदिएका छन । जिल्लाको कालिमाटी गाउँपालिका वडा नम्बर १ का ५६ वर्षीय धन बहादुर कँवरको झगडाको क्रममा देब्रे कान उनका भतिज नाता पर्ने सोहि ठाउँका २६ वर्षका खिम बहादुर कँवरले टोकेर पेट भित्र निलेका छन । देब्रे कान भतिजले खाइदिएपछि पिडित धन बहादुर प्रहरीमा न्याय खोज्दै जिल्ला प्रहरी कार्यालय सल्यान पुगेका छन ।

प्रहरीले पिडितको उजुरीको आधारमा आरोपित खिम बहादुरलाई नियन्त्रणमा लिइ अनुसन्धान भइरहेको जिल्ला प्रहरी कार्यालय सल्यानका सूचना अधिकारी अर्जुन पौडेलले जानकारी दिए । पौडेलका अनुसार घटना हिजो मंगलबार भएको हो । झगडाको क्रममा कान नै खाइदिएपछि प्रहरी समेत चकित बनेको छन ।

मंगलबार दिउँसो पिडित धन बहादुरका बाख्रा नजिकैको खिम बहादुरको खालि जग्गामा गएका थिए । सोहि क्रममा खिम बहादुरले बाख्रालाई ढुंगाले हानेर धपाउन खोजे । खिम बहादुर र धन बहादुरको पहिला पनि सामान्य झगडा भएको कारणले उनिहरुको बोलचाल थिएन ।

बाख्रा धपाउन लागेको देखेर धन बहादुरले खालि जग्गा छ, बाख्राले के क्षति गरेका छन र धपाउछस भनेर खिम बहादुर सँग प्रतिवाद गरे । यसै विच खिम बहादुर र धन बहादुको धकेला धकेल सुरु भयो । त्यहि क्रममा खिम बहादुरले धन बहादुरको देब्रे कान टोकेर निलेर खाइदिए ।
प्रहरीले अनुसन्धानको क्रममा किन कान नै निलेको भनेर धेरै खोजिनिति गर्दा नयाँ कुरा फेला पारेको छ ।

केही वर्ष अगाडि यस्तै झगडाको क्रममा खिम बहादुरका बाबुको कान धन बहादुरले टोकेर निलेका रहेछन् । त्यहि रिसिविले खिम बहादुरले बाबुको बदला लिन कान टोकेर खिम बहादुरले खाएको प्रहरी समक्ष बताएको जिल्ला प्रहरी कार्यालय सल्यानले जानकारी दिएको छ । बाबुको कान जसले खाइदिएको थियोे उसको कान छोरोले पनि खाइदिए पछि यो घटनाले अचम्मित बनाएको छ ।

 

शीर्ष समाचार

धेरै पढिएको