May 17, 2021, Monday
२०७८ जेष्ठ ३, सोमबार
सल्यानमा ६५ बर्ष माथिका वृद्धवृद्धालाई भोलीदेखि कोभिड १९ विरुद्धको खोप लगाईने

सल्यानमा ६५ बर्ष माथिका वृद्धवृद्धालाई भोलीदेखि कोभिड १९ विरुद्धको खोप लगाईने

 

 

फागुन २२, सल्यान । सल्यानमा ६५ बर्ष माथिका वृद्धवुद्धालाई भोली देखि कोभिड १९ विरुद्धको खोप लगाईने भएको छ । भोली फागुन २३ गते देखी जिल्लाका ५ वटा गाउँपालिका तथा नगरपालिकामा खोप सुरु गरिने जिल्ला जनस्वास्थ्य कार्यालयका सल्यानले जनाएको छ ।

कोभिड १९ विरुद्धको खोप अभियान बारे आज जिल्लामा क्रियाशिल पत्रकार तथा संचारकर्मिहरु सँगको अभिमुखिकरण कार्यक्रममा भोलि देखी लगाईने खोपको सम्पूर्ण तयारी पुरा भैसकेको र खोप सम्बन्धित स्वास्थ्य चौकीमा पुगिसकेको जानकारी दिइएको हो ।

 

 

 

नेपाल सरकारकाे खाेप अभियान अन्तरगत याे खाेप तेस्राे चरणकाे हाे । तेस्राे चरणकाे उक्त खाेप सल्यानमा पहिलाे चरणमा शारदा नगरपालिका, कपुरकाेट, त्रिवेणी, छत्रेश्वरी र कालिमाटी गाउँपालिकामा लगाइने कार्यालयका स्वास्थ्य सेवा व्यवस्थापक दशरथ श्रेष्ठले जानकारी दिए । उनका अनुसार त्यसपछि अन्य ५ पालिकामा तेस्राे चरणकाे खाेप फागुन २७ गते देखी चैत १ गते सम्म संचालन गरिनेछ ।

२०६८ सालको जनगणना अनुसार जिल्लाभरमा ६५ वर्ष उमेर समुह माथिका १६ हजार २ सय ५ जना नागरिक भएपनि झण्डै १३ हजार नागरिकलाई मात्रै पुग्ने खोप भएकाेले अहिले त्यतिलाइ मात्रै लगाइने उनले बताए । उनकाअनुसार हाल जिल्लामा १२ हजार ५ सय भाइल खोप आएको छ भने यस अघिको ८ सय ८४ भाइल खोप बचत रहेको थियो ।

पहिलो चरणमा खोप अभियान सञ्चालन हुने पाँच स्थानिय तहमा ३० वटा खोप कन्द्र तोकिएको छ । जसका लागि खोप सुपरिवेक्षक र खोपकर्ताहरुलाई खोप सम्बन्धी तालिम दिईसकिएको छ । एउटा खोपकेन्द्रमा एक स्वाथ्यकर्मी सहित ३ जना स्वयंसेवक रहने व्यबस्था गरिएको छ ।

कोरोना भाइरस बिरुद्धको खोप लगाइ सकेपछि स्वास्थ्यमा सामान्य असर देखिदैँमा आत्तिन नहुने भन्दै जिल्ला अस्पतालका डा. भिमकान्त जैसीले ढुक्क भएर खोप लगाउन सुझाव दिएका छन् ।

नेपाल सरकारकाे पहिलाे चरणकाे खाेप अभियान अन्तरगत हालसम्म सल्यान जिल्लामा पहिलो चरणमा १ हजार २ जनाले र दाेस्राे चरणमा १५ सय १४ जनाले गरी २ हजार ५ सय १६ जनाले कोरोना भाइरस बिरुद्धको खोप लगाइसकेका छन् । तेस्रो चरणमा करिब १३ हजार जनालाई खोप दिइने लक्ष्य राखिएको छ ।

भोली देखि जिल्लाका शारदा नगरपालिका, छत्रेश्वरी गाउँपालिका, त्रिवेणी गाउँपालिका, कालिमाटी गाउँपालिका र कपुरकोट गाउँपालिकामा ६५ बर्ष माथिका वृद्धवुद्धालाई भोली देखि कोभिड १९ विरुद्धको खोप लगाईने छ ।

file photo

 

शीर्ष समाचार

धेरै पढिएको