September 22, 2021, Wednesday
२०७८ आश्विन ७, बिहीबार
रूकुम पश्चिममा प्रधानमन्त्री ओलीको समर्थनमा नेकपा पार्टी कार्यालयमा दीप प्रज्वलन

रूकुम पश्चिममा प्रधानमन्त्री ओलीको समर्थनमा नेकपा पार्टी कार्यालयमा दीप प्रज्वलन

पौष ९, रुकुम पश्चिम । नेपाल कम्युनिष्ट पार्टी (नेकपा) रुकुम पश्चिमको कार्यालय प्राङ्गणमा प्रधानमन्त्री केपी शर्मा ओलीको समर्थनमा दिप प्रज्वलन गरिएको छ ।

बुधबार साँझ रूकुम पश्चिमको नेकपा पार्टी कार्यालयमा पूर्व एमाले निकट युवाहरूले प्रधानमन्त्रीको समर्थनमा दिप प्रज्वलन गरेका हुन । फुट उन्मुख भएसँगै देशभर पार्टी कार्यालय कब्जा गर्ने हाेडबाजि चलिरहेको बेला रुकुम पश्चिमकाे नेकपा पार्टी कार्यालयमा केपी ओलीको सम्मानमा मैन बत्ति बालेर दिप प्रज्वलन गरिएको हो ।


तत्कालीन नेकपा एमालेकाे पार्टी कार्यालय रहेको भवनमा रहेको नेकपा पार्टी कार्यालय प्राङ्गणमा बुधबार साँझ केपी ओली पक्षधर युवाहरूले दिप प्रज्वलन गरेका हुन । राष्ट्रिय युबा संघ रुकुम पश्चिमका सह-संयाेजक हरिभोल भारतीको नेतृत्वमा तत्कालीन नेकपा एमालेकाे चुनावी गित बजाउँदै उनिहरुले केपिकाे पक्षमा दिप प्रज्वलन गरेका थिए ।

रुकुम पश्चिममा केपी ओली पक्षधर समूह कमजोर मानिएता पनि दिप प्रज्वलन गरेर रुकुममा आफ्नो उपस्थिति सकृय रहेको सन्देश दिएको राष्ट्रिय युबा संघ रुकुम पश्चिमका सह-संयाेजक हरिभोल भारतीले बताए । रुकुम बाट मनोज डाँगीले यो समाचार पठाउनु भएको छ ।

शीर्ष समाचार

धेरै पढिएको