July 31, 2021, Saturday
२०७८ श्रावण १६, शनिबार
बालबालिकालाई शैक्षिक सामाग्री वितरण गरेर मनाइयो जन्मदिन

बालबालिकालाई शैक्षिक सामाग्री वितरण गरेर मनाइयो जन्मदिन

मंसिर २८, सल्यान । केहि युवाहरुले जन्मदिन गरिने फजुल खर्चलाई परोपकारी काममा लगाउन थालेका छन । त्यस्तै युवा मध्ये सल्यानको बागचौरमा अवस्थित जनप्रिय पोलिक्लिनिक प्रालिका संचालक भिमबहादुर ओलीले आफ्नो जन्मदिनको अवसरमा गरिब तथा जेहेन्दार विद्यार्थीहरूलाई शैक्षिक सामाग्री बितरण गरेका छन ।

आइतबार २६ बर्ष पूरा भएर २७ बर्ष प्रवेश गरेको खुसियालीमा ओलीले बागचौर नगरपालिका ३ चौरपानीमा रहेको अमरज्योती माबिका ५ बालबालिकालाई झोला तथा कापीकलम प्रदान गरेका हुन । साथै अन्य विद्यार्थीहरूलाई स्यानिटाइजर बितरण गरेको उनले बताए ।

शैक्षिक सामाग्री वितरण कार्यक्रममा कोरोना भाइरस (कोभीड -१९ ) का लक्षण र रोकथाम तथा बच्ने उपायका बारेमा पनि सचेतता जगाएको पनि उनले बताए ।

आफू स्वास्थ्य सेवामा प्रवेश गरेपछि पहिलो चोटि चौरपानीको शहर स्वास्थ्य सेवा क्लिनिकमा सेवा सुरु गरेको संझनामा जन्मदिनको अवसर पारि चौरपानी बिद्यालयका जेहेन्दार विद्यार्थीलाई शैक्षिक सामाग्री बितरण गरेको उनको भनाइ छ ।

मानिस सामाजिक प्राणी भएकोले मानवलाई सेवा गर्दा आत्मसन्तुष्टि हुने भएकाले आफुले भोज भतेरम खर्च हुने पैसाले बालबालिकालाई झोला र कापी कलम वितरण गरेको उनले बताए ।

साथै जन्मदिनमा फजुल खर्च रोकेर मानव सेवामा लगाउने परिपाटीको सुरुवात गर्नुपर्ने उनको भनाई छ । बागचौर नगरपालिका २ बागचौरमा जनप्रिय पोलिक्लिनिक संचालन गर्दै आएका ओलीले यश अघि पनि पोलिक्लिनिकको बार्षिक उत्सबमा विभिन्न समाजसेवाका काम गरेका थिए ।

लेखक, नयाँ दृष्टि डिजिटल पत्रिकाको सम्पादक हुनुहुन्छ।

शीर्ष समाचार

धेरै पढिएको