May 17, 2021, Monday
२०७८ जेष्ठ ३, सोमबार
दैनिक ७५ हजार हाराहारीमा खर्चमा काठमाडौं महानगरका मेयर सोल्टी होटेलको आइसोलेसनमा

दैनिक ७५ हजार हाराहारीमा खर्चमा काठमाडौं महानगरका मेयर सोल्टी होटेलको आइसोलेसनमा

भाद्र २८,काठमाडौँ । काठमाडौं महानगरका मेयर विद्यासुन्दर शाक्य पत्नी र छोरासहित पाँचतारे होटल सोल्टी क्राउन प्लाजाको आइसोलेसन सेन्टरमा बसेका छन् । गत १५ गते संक्रम’ण पुष्टि भएपछि घरमै आइसोलेसनमा बस्ने बताएका मेयर शाक्य केही दिन घरमा बसेर परिवारसहित तारे होटलमा सरेका हुन् ।

होटल स्रोतका अनुसार झन्डै २० हजार रुपैयाँ शुल्क लाग्ने कोठामा चिकित्सकीय सुविधासहित बसेका शाक्यले प्रतिदिन २५ हजारभन्दा बढी शुल्क तिर्नुपर्छ । यद्यपि महानगरपालिकाले नागरिक स्तरबाट आलोचना हुने भन्दै शाक्यको होटल बासबारे बताउन चाहेन । स्रोतका अनुसार मेयर शाक्यको परिवारले लिएको तीनवटा कोठा र चिकित्सकीय सुविधासहित औसतमा दिनको ७५ हजार हाराहारीमा खर्च हुन्छ ।

पछिल्ला १२ दिनयताको होटल खर्च मात्रै ९ लाख हाराहारी पुगिसकेको छ । त्यतिका धेरै खर्च महानगरपालिकाले बेहोर्छ कि मेयर शाक्य आफैंले तिर्छन् भन्ने प्रश्नको उत्तर भने प्राप्त हुन नसकेको कान्तिपु’रले लेखेको छ ।

उपमेयर हरिप्रभा खड्कीले मेयर घरमै बसेको मात्रै आफूलाई जानकारी रहेको र ‘होटलमा रहेकोबारे जानकारी नभएको बताइन । महानगरपालिकाका सूचना अधिकारी नमराज ढकालले पनि मेयर होटलको आइसोलेसनमा बसेको भन्नेबारे आफूलाई जानकारी नभएको बताए ।

मेयर शाक्यसँग कुराकानी गर्न सोल्टी क्राउन प्लाजामा पनि सम्पर्क गर्दा फोन रिसिभ गरेका रिसेप्सनिस्टले सुरुमा एकैछिन कुराएर शाक्यसँग सोधेर सम्पर्क गराइदिने बताएको तर पछि शाक्यले सम्पर्क गर्न नचाहेको जानकारी गराए । यो समा’चार का’न्तिपुरले लेखेको छ ।

शीर्ष समाचार

धेरै पढिएको