September 20, 2021, Monday
२०७८ आश्विन ४, सोमबार
शानपाका प्रमुख प्रशासकीय अधिकृत २५ दिन देखी कार्यालयमा अनुपस्थित, ईमेल गरेर दिए निमित्त

शानपाका प्रमुख प्रशासकीय अधिकृत २५ दिन देखी कार्यालयमा अनुपस्थित, ईमेल गरेर दिए निमित्त

साउन २४, सल्यान । सल्यानको शारदा नगरपालिकाका प्रमुख प्रशासकीय अधिकृत शंकरराज पाठक २५ दिनदेखि कार्यालयमा अनुपस्थित रहेका छन ।

असार ३१ गते रातीसम्म भुक्तानीकाे काम हुन्छ भनेर सेवाग्राहीलाइ पर्खाएका पाठक ३१ गते दिउँसाेदेखि कार्यालयमा बाट गायव भएका हुन । आर्थिक वर्ष २०७७/७८ काे खाता असार ३० गते राती १२ बजेबाट बन्द भएपछी ३१ गते कार्यालयमा सेवाग्राहीकाे आक्राेश थेग्न नसकेपछि त्यहाँबाट निस्केकाे बुझिएकाे छ ।

गत आव. २०७७/०७८ मा ४५.२८ प्रतिशत मात्रै पुँजीगत ( खर्च ) भुक्तानी गरेको नगरपालिकाको प्रमुख प्रशासकीय अधिकृत असार ३१ देखी अचानक हिडेपछि कार्यालय बाट हुने आर्थिकजन्य कामकारबाही हुन सकेका छैनन ।

असार मसान्त सुरु हुनुभन्दा हप्तादिन अघिदेखि नै भुक्तानीकाे लागि नगरपालिका पुगेका सेवाग्राहीकाे समेत अहिलेसम्म भुक्तानी हुन सकेकाे छैन् ।

यसरी भुक्तानी नपाउनेमा धेरैजसाे पिटाैलीकाे काम गर्ने मजुरहरु, सामाजिक परिचालकहरु रहेका छन् । त्यस्तै, सरकारले विद्यालयका कर्मचारीहरुकाे पाेसाकका लागि छुट्याइएकाे १० हजार रकममध्ये ४ हजार मात्रै भुक्तानी भएकाे छ भने ६ हजार भुक्तानी भएकाे छैन् ।

त्यस्तै अन्य धेरैजसाे याेजनाका कामहरुकाे पनि भुक्तानी भएकाे छैन् । शारदा नगरपालिकाबाट काम नहुँदा आर्थिक वर्ष २०७७/७८ मा झण्डै साढे ९ कराेडसम्मकाे बजेट फ्रिज भएकाे छ । जसमा मुख्यमन्त्री राेजगार कार्यक्रमकाे एक रुपैयाँ पनि खर्च नभएर फ्रिज भएकाे छ ।

कर्मचारीकाे लापरबाही र कमजाेरीका कारण मुख्यमन्त्री राेजगार कार्यक्रममा कुनै प्रगति देखिएकाे छैन् । जसले गर्दा केहि महिनालाइ भएपनि राेजगारकाे आसाले फारम भरेका नागरिकहरु नाराशामा देखिएका छन् ।

उनि कुन प्रयाेजनका लागि यति लामाे बिदामा बसेका हुन् भन्ने कार्यालयलाइ समेत कुनै जानकारी नभएकाे कार्यालय श्राेतले जनाएकाे छ ।

पाठकले भने साउन १५ गते इमेल मार्फत नगरपालिकाको शिक्षा शाखा प्रमुख लिलाधर बवाललाई निमित्त प्रमुख प्रशाकिय प्रमुखको जिम्मेवारी दिएको बवालले बताए । प्रशासनिक कामको लागि बवाललाई निमित्तको जिम्मेवारी दिएपनी आर्थिक अधिकार नभएकोले बजेट तथा पुरानो योजना भुक्तानीका काम हुन सकेका छैनन् ।

तर प्रशासकीय अधिकृत पाठकले आफ्नाे परिक्षा भएकाेले बिदामा रहेकाे बताएका छन् । हामीसँग भएको कुराकानीमा उनले भने, ‘मैले सबै काम सकाएर काठमाडाैं आएकाे हुँ । प्रशासकीयकाे जिम्मेवारी निमित्तलाइ दिएकाे छु । अरु काम लेखाले गर्ने हाे ।’ परिक्षा भएकाेले कहिले आउने भन्नेबारे फिक्स नभएकाे उनले बताए ।

यता लेखा शाखाले भने प्रशासकीय अधिकृत नहुँदा भुक्तानीकाे काम नहुँने जनाएकाे छ । लेखापाल पुर्णभक्त राणाले भने , ‘अघिल्लाे वर्ष भुक्तानी नभएका फाइलहरु याे वर्ष भुक्तानी गर्नलाइ मलेपाले तयार बनाएको र हाकिमसाब आएपछि मात्रै ति फाइलहरुकाे भुक्तानी हुने बताए ।

शीर्ष समाचार

धेरै पढिएको