May 16, 2021, Sunday
२०७८ जेष्ठ २, आईतवार
दाङको तुल्सिपुरमा पार्किङ गरेर राखेको कार भित्र ३ वटा शव फेला

दाङको तुल्सिपुरमा पार्किङ गरेर राखेको कार भित्र ३ वटा शव फेला

वैशाख १८, तुल्सिपुर । दाङको तुलसीपुरमा पार्किङ गरेर राखेको एउटा कारभित्र तीन वटा शव फेला परेका छन्। शविबार तुलसीपुर उपमहानगरपालिका वडा नं. ६ स्थित स्याउली बजारमा पार्किङ गरिराखेको भारतीय नम्बर प्लेट जे ०१६६०८८५ नम्बरको कारभित्र तीन वटा शव फेला परेको हो।

इलाका प्रहरी कार्यालय तुलसीपुरका प्रमुख डिएसपी शिवबहादुर सिंहले तीन महिनादेखि पार्किङ गरेर राखेको गाडीभित्र शव फेला परेको बताए।

‘‘यो केस अलि जटिलजस्तो देखिएको छ, गत माघदेखि पार्किङ गरी राखेको गाडीभित्र तीन वटा शव फेला परेको छ,’ उनले भने, ‘घटना गम्भीरजस्तो देखिन्छ, हामी सूक्ष्म अध्ययन गरी बाहिरी सुराक खोज्ने प्रयास गरिरहेका छौं।’

डिएसपी सिंहले उक्त गाडी स्याउली बजारमा पछिल्लो तीन महिनादेखि पार्किङमा रहेको जानकारीमा आएको बताए।

‘मृतक को हुन् र कसरी उनीहरू पार्किङको गाडीभित्र पुगे भनेर अनुसन्धान सुरू नभएसम्म केही भन्न सक्ने अवस्था छैन,’ डिएसपी सिंहले भने, ‘अहिले हामीले गाडीभित्र तीन वटा शव मात्रै देखेका छौं, शव निकालिसकेका छैनौं।’

उक्त गाडी कसको हो र कसले यहाँ पार्किङ गरेको हो भन्ने अहिले खुल्न बाँकी सिंहले बताए। गत वर्षको चैतमा लकडाउन भएका बेला गाडी आएको र गत माघदेखि पार्किङमा रहेको भन्ने मात्रै खुल्न आएको छ,’ सिंहले भने।


अर्का एक प्रहरी अधिकारीका अनुसार शनिबार बेलुका एउटा बस पार्किङका लागि त्यो कार नजिकै जाँदा कारको बत्ती बल्यो। त्यसपछि गएर हेर्दा शव देखिएको थियो।

उनका अनुसार मृतक तिनै जना बालकजस्ता देखिन्छन्। तर शव सडेगलेको देखिएकालेबालक हुन् वा के हुन् भन्ने यकिन भइनसकेको उनले बताए।

‘लामो समयदेखि पार्किङ गरिराखेको कारनजिकै जाँदा गन्ध आएपछि बसका स्टाफले के को गन्ध होरु भनी ह‍ेरेछन्,’ उनले भने, ‘गएर कारभित्र हेर्दा शव देखेपछि उनीहरूले प्रहरीलाई खबर गरे।’

प्रहरीले अहिले घटनास्थललाई सुरक्षित गरी मुचुल्का उठाउने काम गरिरहेको डिएसपी सिंहले बताए।

सेतोपाटी बाट साभार ।

शीर्ष समाचार

धेरै पढिएको