September 20, 2021, Monday
२०७८ आश्विन ४, सोमबार
सल्यानमा ट्याक्टर दुर्घटना : २ जनाको मृत्यु, ३ जना घाइते

सल्यानमा ट्याक्टर दुर्घटना : २ जनाको मृत्यु, ३ जना घाइते

सल्यान २६ साउन । सल्यानमा मंगलबार वेलुकी भएको ट्याक्टर दुर्घटनामा परी दुई जनाको ज्यान गएको छ । कालिमाटी गाउपालिका ४ वालुवा बाट कालिमाटी फर्कर्दै गरेको रा १ त ४०४२ नम्वरको ट्याक्टर दुर्घटनामा परेको हो ।

दुर्घटनामा परी ट्याक्टर चालक कालिमाटी गाउँपालिका ३ का १९ वर्षिय खुम बहादुर वली र मिक्चरका हेल्पर सोहि ठाउँका २० वर्षिय यज्ञ बहादुर केसीको घटनास्थलमै ज्यान गएको जिल्ला प्रहरी कार्यालय सल्यानले जनाएको छ ।

वालुवामा घर ढलान गरेर ट्याक्टरमा मिक्सचर जडान गरी कालिमाटी तर्फ ल्याउदै गर्दा ट्याक्टर अनियन्त्रीत भएर दुर्घटना भएको थियो । घटनामा तिन जना गम्भिर घाइते भएका छन् ।

गम्भिर घाइते हुनेमा मिक्चर चालक सोहि ठाउका ३१ वर्षिय जंग बहादुर सिरिस मगर, ट्याक्टरका सहचालक १७ वर्षिय कमल विक र मिक्चर हेल्पर २० वर्षिय खुम बहादुर बस्नेत रहेका छन् ।

गम्भिर घाइते तिनै जनालाई थप उपचारका लागी तुलसिपुर लगिएको छ । घटना मंगलबार वेलुकी साढे ७ बजेतिर भएको प्रहरीले जनाएको छ । घटनाबारे थप अनुसन्धान भैरहेकाे र थप प्रहरी टाेली घटनास्थल तर्फ गएको प्रहरीले जनाएको छ ।

शीर्ष समाचार

धेरै पढिएको