July 31, 2021, Saturday
२०७८ श्रावण १६, शनिबार
दलित सेवा संघ सल्यान द्वारा कोरोना माहामारी बाट संकटापन्न घरपरिवारलाई राहत वितरण

दलित सेवा संघ सल्यान द्वारा कोरोना माहामारी बाट संकटापन्न घरपरिवारलाई राहत वितरण

असार १२, सल्यान । दलित सेवा संघ सल्यानले कोरोना भाईसर ( कोभिड – १९ ) बाट संकटापन्न जिल्लाका ५५ घर परिवारलाई खाद्यान्न र स्वास्थ्य सामाग्री तथा १३ जना सुत्केरी आमालाई स्वास्थ्य सामाग्री वितरण गरेको छ ।

विकास कोष नर्वेको आर्थिक सहयोगमा विहिस्करणमा पारिएका समुदायको जिविकोपार्जन सुधार परियोजना अन्तरगत जिल्लाको शारदा नगरपालिकाका २० घर परिवार लाई खाद्यान्न र स्वास्थ्य सामाग्री तथा ५ जना सुत्केरी आमालाई स्वास्थ्य सामाग्री वितरण गरिएको हो भने जिल्लाकै बनगाड कुपिन्डे नगरपालिकाका १८ घर परिवारलाई खाद्यान्न र स्वास्थ्य सामाग्री तथा ४ जना सुत्केरी आमालाई स्वास्थ्य सामाग्री वितरण गरिएको हो ।

त्यस्तै जिल्लाकै कालिमाटी गाउँपालिकाका १७ घर परिवारलाई खाद्यान्न र स्वास्थ्य सामाग्री तथा ४ जना सुत्केरी आमालाई स्वास्थ्य सामाग्री वितरण गरिएको संघका सिनियर फिल्ड परिचालक भिम बहादुर परिवारले बताए । संकटापन्न ५५ घरधुरीलाई एक एक बोरा चामल, २ किलो दाल, दुई किलो नुन, एक लिटर तेल, ४ वटा सावुन र चार चार प्याकेट मास्क वितरण गरिएको हो । त्यस्तै १३ जना सुत्केरी आमालाई पनि मास्क, स्यानिटाईजर र सावुन प्रदान गरिएको बताइएको छ ।

स्थानिय जनप्रतिनिधिको रोहवरमा हस्तान्तरण गरिएका उक्त सामाग्र वितरण कार्यक्रममा संस्थाका अध्यक्ष दिल बहादुर परियार, कार्यक्रम संयोजक यज्ञ विक, सिनियर फिल्ड परिचालक भिम बहादुर परियार र कृषि जेटिए भुमिका सुनारको सहभागिता रहेको थियो ।

शीर्ष समाचार

धेरै पढिएको