October 26, 2021, Tuesday
२०७८ कार्तिक ९, मंगलवार
गणेशमान सिंहको कविता : प्रिय हुन्छ्न

गणेशमान सिंहको कविता : प्रिय हुन्छ्न

प्रिय हुन्छन् !

प्रिय हुन्छन् –
लेख्दालेख्दै छुटेका कविताका पंक्तिहरु
हिड्दा हिड्दै मोडिएका कर्मका बाटाहरु

प्रिय हुन्छन् –
बिर्सन खोजेर पनि नबिर्सिएका प्रियसीहरु
खोल्छु भनी नखोलिएका मन मस्तिष्कका चाहहरु

प्रिय हुन्छन् –
निद्राले छुन नसकेका अनिँदा रातहरु
पोखिन पोखिनै लागेका बैँसका ठुन्काहरु

प्रिय हुन्छन् –
हात समाई कपुरी क लेख्न सिकाएका
फेरिफेरि नभेटिएका गुरुहरु,
खाँदा खाँदै नअघाउँदा अाफ्नो थालीबाट
अलिकति रोटीको टुक्रा दिने साथीहरू ।

प्रिय हुन्छन् –
देख्दादेख्दै हराएका सपनाहरु
र सम्झन खोज्दाखोज्दै बिर्सिएका सम्झनाहरु

प्रिय हुन्छन् –
गर्छु भन्दाभन्दै गर्न नसकिरहेका कामहरु
भेट्छु भनी पछ्याउँदा पछ्याउँदै नभेटिएका सहयोद्दाहरु।

हो साथी, प्रिय हुन्छन् –
भोग्नै नपाएका पलहरु
चुम्न नसकेका सफलताहरु
त्याग्न भुलेका अादतहरु
सुधार्न चाहेका सम्बन्धहरु

प्रिय हुन्छन् जीवनका सबै सबै अपुगताहरु ।

©गणेशमान सिंह

सल्यान

रोशन परियारको कविता : ” म स्वास्नी “

वाई वि जिएमको कविता : तिम्रो पहिलो प्रेम

सपना शर्माका २ गजल

शीर्ष समाचार

धेरै पढिएको