May 17, 2021, Monday
२०७८ जेष्ठ ३, सोमबार

उषा हमालको कविता : समयका चित्रहरू

समयका चित्रहरू

मेरो कोलजामय आकृति
मेरा विभाजित सोचाइ
अन्योलग्रस्त क्षण
दिग्भ्रमित पाईला
मोडैमोडले भरिएका
गतिहीन यी बाटाहरूमा बनेका किरिङ्मिरिङ् रेखाहरू हुन्
यो समयका चित्रहरू ।

यो रातको सन्नाटामा
यी उराठ लाग्दा
झ्याउँकिरीका आवाजहरूले
अझै उद्दिप्त बनाउछन
मनभित्रका निराशाहरूलाई ।

आर्तनादमय छ यो समय
यो युग मेरो नजिकै
त्यो रोखको ठुटोमाथि बसेर
अन्धकार रातका
लाटोकोसेरो बनेर रोइरहेछ
रात लम्बिदै लम्बिदै गैरहेछ
देखाउदैन संकेत कुनै परिवर्तनको ।

यी निराशाका विविध क्षणहरुको
कोलाजले बनेको मेरो आकृति र
लाटोकोसेरो बनेर
रुखका ठुटामा बसी
रोइरहेको यो युग
यिनै हुन् यो समयका चित्र ।

उषा हमाल

उषा हमालको कविता : कुमाख

(सल्यान जिल्लामा जन्मनु भएका उषा हमाल,हाल भाषा आयोगका माननीय सदस्य हुनुन्छ।)

रोशन परियारको कविता : ” म स्वास्नी “

वाई वि जिएमको कविता : तिम्रो पहिलो प्रेम

शीर्ष समाचार

धेरै पढिएको