June 16, 2021, Wednesday
२०७८ असार २, बुधबार
संसद एमसीसीको पक्षमा उभियो भने सडक अराजक हुनेछ

संसद एमसीसीको पक्षमा उभियो भने सडक अराजक हुनेछ

वैदेशिक सहयोगको रुपमा आउने जुनसुकै सहयोग होस त्यसलाई स्वागत गर्न सकिन्छ । तर यहाँ गम्भिर शंका कहाँनेर उठ्यो भने उक्त सहयोग कार्यन्वयन गर्दा नेपालको संविधान संशोधन गर्नुपर्ने र बिदेशी संविधान लागु गर्नुपर्ने, एउटा सहयोगको लागी स्वाभिमानी देश यसरी लम्पसार पर्नु लज्जास्पद कुरा हो ।

अर्को कुरा MCC को ओकालत गर्ने पात्र महाकाली जस्तो राष्ट्रघाती सम्झौता गर्न मतियार बनेका पात्र हुन । महाकाली सन्धी रास्ट्रघाती रहेछ यो सन्धी गर्दा देशले नोक्सान बेहोर्नु पर्यो भन्ने कुरा आम नेपाली जनमानसमा हुँदा पनि त्यही सन्धिका मतियार राजनिती र शक्तिमा रहेर रजाइ गरिरहे। यो राजनीतिको दुखद पक्ष हो । यहाँ सत्य मर्ने र झुट फैलिनाले सतिले सरापेको देश भने झै छ ।

आज देश पुर्ण रुपले बन्धक अवस्थामा छ। विश्व स्वाथ्य संगठनले विश्व महामारी घोषणा गरेको कोरोनाको सङ्क्रमण दिन दुइ गुना र रात चौगुणाले बढेको छ। मझौला ब्यापारी टाट पल्टिसके , जनताले भोक सोक भ्रस्टाचार बाट पिडित हुँदै छन ।

बेरोजगारी समस्याले यहाँ दिनौ आत्माहत्याको तथ्यांक बढ्दैछ। तर यो देशको प्रमुख पार्टीका नेता हु भन्नेहरु बिदेशीले बजाको बाजाको तालमा नाचेर यो जुनि काट्दै छन । तीनका अल्पज्ञानी भजन मन्डलीहरु सत्यलाई असत्यले ढाकेर भ्रम सिर्जना गरेर फाइदा उठाइ रहेछन।

यहाँ हुनुपर्ने बहस हुँदैन, देखिनुपर्ने समस्या देखिदैन , सोधिनुपर्ने प्रश्न सोधिदैन, आउनुपर्ने उत्तर पनि आउँदैन । केहि उत्ताउला कुरामा ताली ठोक्ने देसकै सम्मानित स्थानमा बिराजमान माननीयहरुको अल्प विवेकी संस्कार देख्दा यहाँ लेख्ने हातहरु र देख्ने आँखाहरु पनि ब्यर्थ लाग्छ ।

एमसिसि संसदले यदी पारित गर्योय भने बर्तमान ने क पा लाई महाकाली सन्धी पश्चातको पुर्ब एमालेको हालतमा पुर्याउनेछ । किनकी ने क पा नेता भिम रावलले जनतामा एम सि सि बिरुद्द जुन प्रकारको विश्लेषण छोड्नु भएकोछ यसको सैद्धान्तिक र ब्यबहारिक खन्डन कसैले गर्न सकेको छैन ।

संसदमा बहस हुने र सत्यको पक्षमा उभिने संसदिय प्रणालीको विरुद्ध आफुसंग प्राप्त संसद्को घमन्डले यदी देस बिरुद्द सङ्सद उभियो भने सडक अराजक हुनेछ । जसरी पनि पारित गर्ने, भन्ने भित्रको नियत के हो ?

देशलाई पैसाको कमी भयो भने त्यो एम सि सि भन्दा बढी Ncell बाट राज्यले कर उठाउने पैसा धेरै छ । त्यसैले यहाँ कमिसनको खेल देखिन्छ । MCC रोक्ने अधिकार र जिम्मेवारी अहिले सभामुखको हातमा छ देसको लागी हिरो हुने वा जिरो हुने सभामुख महोदयको स्वबिबेक हुने छ ।

बिबादित हुँदा हुँदै पनि यो सम्झौता पारित भयो भने पनि आफ्नो उदेश्य अनुसार अघी बढ्न सक्ने छैन ।

लेखक,माध्यमिक शिक्षक संघ नेपाल केन्द्रीय सदस्य तथा लोक पप गायक   हुनुहुन्छ।

शीर्ष समाचार

धेरै पढिएको