May 17, 2021, Monday
२०७८ जेष्ठ ३, सोमबार
बुबा ८३ वर्ष पुगेको खुसीयालीमा सल्यानका शर्मा दम्पति द्वारा विद्यालयमा लाखौंको अक्षयकोष स्थापना

बुबा ८३ वर्ष पुगेको खुसीयालीमा सल्यानका शर्मा दम्पति द्वारा विद्यालयमा लाखौंको अक्षयकोष स्थापना

संजिव शर्मा \ बैशाख १७, सल्यान । सल्यान कुमाख गाउँपालिका वडा नं. ३ को जनता माध्यमिक विद्यालय रागेचौरमा एक दम्पतीले अक्षयकोष स्थापना गरेका छन् । बुवा वीरभद्र शर्मा ८३ वर्ष पुगेको अवसरमा रुकुम पश्चिमको मुसीकोट खलंगा बहुमुखी क्याम्पसका प्रमुख मुकुन्दप्रसाद शर्मा र उनकी श्रीमति यमुना नन्द नमूना मावि मुसीकोट ५ शेरिगाउँमा कार्यरत शिक्षक सुशिला शर्माले एक लाख एक हजार एक सय ११ रुपैंयाको अक्षयकोष स्थापना गरेका हुन ।

शर्मा दम्पतीले विद्यालयमा खडा गरेको “वीरभद्र शर्मा तथा देवकला अक्षयकोष २०७८” बाट हरेक वर्ष माध्यामिक शिक्षा परीक्षा (एसइई) मा उत्कृष्ट अंक ल्याउने एक जना छात्रा र एक जना छात्रलाई अक्षयकोषको लभांशबाट प्राप्त हुने रकम वितरण गरिने छ । बुबा विरभद्र शर्माको प्रेरणा एवम् गारवपुर्ण इतिहासको संरक्षण गर्दै स्थापना गरिएको अक्षयकोषको उद्देश्य शैक्षिक लगानी सबैलाइ प्रेरित गर्दै विद्यार्थीको मनोवल उच्च राख्ने पनि रहेको छ ।

शर्मा दम्पती रुकुम पश्चिमको मुसीकोट नगरपालिकामा बस्दै आएपनि कुमाख गाउँपालिका ३ का स्थायी वासिन्दा हुन। २०५६ सालको एसएलसीमा सवोत्कृष्ट नम्बर ल्याएर उत्तिर्ण भएका मुकुन्द्रप्रसाद शर्माले यो अयक्षकोषबाट एसइई परीक्षामा उत्कृष्ट नम्बर ल्याउनेलाई छात्रवृत्ति प्रदान गरिने बताए ।

अक्षयकोष वाफतको रकम सहित अक्षयकोष संचालन कार्यविधि विद्यालयका प्रध्यानाध्यापक गोरखवहादुर बुढाथोकीलाई हस्तान्तरण गरिएको उनले जानकारी दिए । यसबाट विद्यालयको शैक्षिक विकासमा टेवा पुग्ने विश्वास लिएको क्याम्पस प्रमुख शर्माले बताए । अक्षयकोष स्थापना गर्ने शर्मा दम्पतीलाई विद्यालयले धन्यवाद दिनुका साथै अक्षयकोषको सदुपयोग गर्ने विश्वास दिलाएको छ ।

अक्षयकोषको संरक्षकमा पुर्णदेवी शर्मा, दयाराम शर्मा र इन्द्रराज शर्मा रहेका छन । शर्मा दम्पतीले यसअघि पनि २ वटा अक्षयकोष स्थापना गरिसकेका छन । मुसीकोट खलंगा बहुमुखी क्याम्पसमा १ लाख १५ हजार १५ रुपैंयाको “चन्द्रकान्त, यज्ञश्वर र यमुना शर्मा स्मृति अक्षयकोष तथा राप्ती साहित्य परिषद् जिल्ला शाखा रुकुम पश्चिममा १५ हजार १५ रुपैंयाको सुमन सुमना साहित्यिक अक्षयकोष खडा गरेका हुन ।

शीर्ष समाचार

धेरै पढिएको